Now爆谷台5週年熱爆派對

Now爆谷台5週年熱爆派對《喪玩喪SEE號 X 今晚打喪屍》經已圓滿結束喇，過去兩日有唔少朋友都帶同一家大細嚟參與打喪屍遊戲，感謝大家熱烈支持！而尋晚《今晚打喪屍》一眾演員嘉賓更親臨現場，分享拍攝經歷同趣事之餘，仲即席示範各種殺喪屍武器嘅用法，盡顯功架，將現場氣氛推至高峰！

記住留意《今晚打喪屍》將會喺6月29日上映，同時千祈唔好錯過7月22日《屍殺列車》就喺Now爆谷台獨家首播！好戲連場，好禮不斷，Now爆谷台5週年慶祝活動陸續有來，敬請密切留意。