明明天氣仲熱緊，寒流邊度嚟？其實Michelle講緊嘅係嚟緊即將上映嘅新戲，緊湊劇情睇到你驚心動魄，個心點會唔寒先！《北寒諜戰》帶大家返到二戰後兩韓分裂、關係陷入冰點嘅時期，影帝黃晸玟飾演南韓派出潛入北韓調查核武研發嘅間諜，執行任務期間驚險處處，甚至成為兩韓矛盾中關鍵人物！《毒戰寒流》改編自杜琪峰嘅《毒戰》，韓國版本同樣緊張刺激；大熱韓劇《Signal》視帝趙震雄飾演英勇刑警，誓要搗破亞洲最大販毒集團！《檢察狂人》木村拓哉 再現大銀幕！今次同二宮和也飾演檢察官，合力調查一宗謀殺案，不過期間前輩同後輩發生衝突，甚至演變成內鬥 — 兩位演技大爆發，戲中到底誰勝誰負？